26 сакавіка 2021 г. — 85 гадоў з дня нараджэння Вячаслава Іванавіча Бацюшко (1936), вучонага ў галіне будаўнічай вытворчасці, выдатніка вышэйшай адукацыі СССР
Вячаслаў Іванавіч Бацюшко нарадзіўся 26 сакавіка 1936 г. у вёсцы Берказы Бродніцкай гміны Пінскага павета Палескага ваяводства (цяпер Дубайскага сельсавета Пінскага раёна Брэсцкай вобласці). У красавіку 1943 г. нямецка-фашысцкімі акупантамі быў вывезены ў дзіцячы нямецкі канцлагер; па люты 1945 г. адбываў прымусовыя работы ў Германіі. Адразу пасля вызвалення знаходзіўся пры штабе палка 1-га Беларускага фронту ў якасці перакладчыка, пасля быў накіраваны на радзіму.
2 лютага 2015 г. – 80 гадоў з дня нараджэння Аляксандра Патапавіча Валынца (1935), вучонага ў галіне фізіялогіі і біяхіміі раслін, лаўрэата прэміі акадэмій навук Украіны, Беларусі і Малдовы (1996), прэміі НАН Беларусі (2007)
Аляксандр Патапавіч Валынец нарадзіўся 2 лютага 1935 года ў вёсцы Берказы Пінскага павета (цяпер Дубайскага сельсавета Пінскага раёна Брэсцкай вобласці) у сям’і чыгуначніка. Бацька працаваў пуцявым абходчыкам. Дзяцінства Аляксандра прайшло ў гады нямецкай акупацыі Піншчыны і ў цяжкі пасляваенны час. З 1944 года вучыўся ў мясцовай пачатковай школе, потым – у Паняціцкай сямігадовай, Малоткавіцкай сярэдняй школах.